2012飄流記 ~ Day 3~ 12 May ~ Sheffield ~

Day 3 ~ 12/5/2012 ~ Saturday ~

最後一日o係Sheffield, 今日都冇咩行程~~留返o係Sheffield行下Meadowhall, 夜晚去食我最愛既Damon's~~~

一早起左身....大姨同我錄起左琴晚既拳王....整定點心(佢自己做架!), 沖定奶茶.....呀....真係貼心, 我呢個奶媽真係超鍚我架!!

Hea到11點幾, 表姐就到左~~

要幫亞哥買Sheffield United既波衫.....原本諗住o係town果間爛鬼百貨公司買既....但佢地話去返球會安全d, 因為球季都差唔多完, 球會mega store買到既機會大d~~哈哈~~

黎左Sheffield咁多次, 都真係未黎過Sheffield Utd個主場....哈, 多得阿哥啦....我又去多個景點~~hehe~

見到佢想買既波衫~~仲要15磅咋~~~不過!!! 冇size呢....得返XXXL呢d....我當裙著都唔掂呀~~

所以最後都係要去返town同佢搵....

點知...原來Sheff. Utd個counter都接埋啦....唉, 我前年黎都仲有架~~

冇計~~真係幫佢唔到了~

跟住我地就出發去Meadowhall.....每次都要黎既Meadowhall....好有親切感架真係....呢度有好多回憶的~
 

到步我地先搵野食.....今日係星期六, 又lunch hour, 超多人呀......

最後搵左一間食tapas既餐廳食....都唔錯~~

 

食飽飽就開始shopping啦~~~~其實見到好多野都想買既....不過, 頭站....我知自己唔拎得咁多野....所以都忍住.....又索性唔望tim...哈哈~~

不過呢, 就一定要幫爸爸買Clarks....我媽成日話~~嫁老豆咁耐, 佢都未自己買過一對鞋....全部都係人地o係英國買返黎比佢.....巴閉到呢....

唉, 老豆真係識著呀.....佢著開果對都可以話係全場數一數二貴.....不過英國買都已經叫平左, 香港都真係唔止....

行行下....表姐話覺得暈...咁表姐夫就陪佢坐, 我就自己行....其實果度話大唔大.....我自己行左大半個鐘都夠哂皮lu.....返去陪佢地坐一陣, 等Elsa帶埋d女黎食雪糕~~

年半冇見呢兩個公主....大個左好多呀....家姐依然紮紮跳, 而阿妹呢, 好斯文下, 好得意架.....好懷念上次黎同佢地住左一個星期....好好玩~~

 

食完雪糕就各有各走啦.....Elsa一家就去人地生日party, 我地呢, 就返表姐屋企抖下先.....夜d再接埋大姨去食飯~~

o係表姐度, 終於都睇返佢地年半前結婚既相...哈哈.....時間都過得好快, 過多幾個月佢地就結左婚兩年lu....

Hea到6點幾, 我地又出發去接大姨同埋兩個表姪仔一齊去Damon's....其實好近, 行過去同揸車都係爭幾分鐘

 

今次我都係食ribs...哈哈....我諗咁多年黎我都係食ribs...因為真係好好食......可以話係我食ribs生涯中, 最好食既一間~~

今日好壯態, 自己食哂成份ribs~仲食左幾隻wings...不過真係好飽~~但真係太好味了~~hehe

 

食飽飽再去supermarket買雪糕, 又係我必食既twisters....哈哈....好似唔食過某幾樣野就唔算黎過英國咁....

食到飽一飽....大家就坐哂o係度傾計.....啞....真係傾得好開心呀.....好快就傾到大姨丈收工返黎, 唉, 我都估到架啦, 佢一定會炒星洲米比我食.....由我十幾歲話鐘意食開始...每次我過黎佢都會炒比我食.....今次我冇出過聲, 佢都照做....真係好窩心, 佢地對我真係太太太好了~~

所以呢晚就算我食到幾飽,
我都會食....因為我真係好感激佢地為我做既野.....人地咁有心, 點可以令人失望呢~

呢晚真係好開心, 大大細細o係度傾計....講講下又拎個ipad出黎一齊篤diamond dash.....真係好鐘意同佢地一齊既時間, 就算只係o係屋企圍埋一齊, 都好開心~

就係咁, 我地就玩到成12點.....我就要返房執野....沖涼....ready第2日一早起行搭火車落London啦.....