2012飄流記 ~ Day 2~ 11 May ~ LonDon ~

Day 2 ~ 11/5/2012 ~ Friday ~

今朝一早0800~Elsa就黎車我去PLC & Ron's house集合~~

一早食唔落野, 我飲左杯奶茶就起行.....我地一行4人揸車落London食食食......其實係因為我話想行Borough Market, 而呢個Market只係開四五六.....我自己要到星期日先會落London...所以為左完我呢個心願, 佢地今日都陪我落一日~~好感動呢~

揸左兩個幾鐘...就到左Westfield...聽聞呢個係全europe最大既shopping mall??? 我地o係度泊左車, 行左陣之後, 就轉搭tube去Borough Market啦.....

第一站, 我當然係去食生蠔啦.....都係我黎既目的.....

其實果檔野唔係話超好食, 超抵......但係好食同好抵囉....haha....同埋我鐘意行呢d market, 佢又即開比我...所以唔同d既~

我地排隊時, 我已經係咁bi li ba la....其實上次黎已經覺得佢係中國人....不過又唔見佢講之嘛....

點知我買果陣, 同佢講英文, 佢又同返我講廣東話....haha....自己人呀.....佢揀果d蠔真係靚d架...原先我想話食大隻既, 點知佢話今日中size靚d, 咁緊係要聽佢講啦.....

hehe...真係好鬼正~~5.5磅就有4隻....好抵呀呀呀....

食完呢4隻之後, 個人都精神哂....不過就未夠喉囉~~ 行一陣再返黎食過~~hehe~

呢檔西班牙炒飯, 我上次黎已經想試架啦, 不過當時食得太飽, 食唔落......今次就要食返啦~~上次同今次都好多人排.....應該好食掛~~

 

oh~~點知~~哈哈~~一般咁啦, 食過就算~~~下次唔洗再幫襯~

之後我地來來回回都行左幾轉....都食左好多野.....

呢個Caramel pudding好味呀....如果拎到我都會買多幾個~~

食到7788時, 我再返去食多轉生蠔先~~~hehe~~ 

哥哥仔今次仲o係箱搵d正野比我~~呢轉比之前果轉更正呀!!!!

老實說....8隻....我都係未夠架....其實仲想再食....不過算啦, 又唔想too much....食到而家咁就perfect~~hehe~

就係咁~~就o係度食左兩個鐘啦下次我都要再返黎呢度食食食~~~

好!!!!  下一站~~Harrods~~~

 

上次黎呢,都唔識得上黎呢層賣souvenir行.....真係鄉里...haha~~

o係Harrods買左少少手信後就有d攰....原先想o係Laduree high個tea....但係好多人呀....冇位....所以過左對面Starbucks就算.....haha~~幾大分別呢~~

坐左一陣......佢地話要同我去Selfridges搵PH Macaroon喎.....我一路都話我過兩日自己落黎時先買既, 因為唔想佢地爭住比錢.......但佢地係都要去, 又話想試下兩隻既分別....唉....唔夠佢地講

不過去到Selfridges既PH又有d失望, 冇Laduree咁令, 又少好多味喎.....不過點都買左幾粒走~~~

食左粒先記得影相......唉, 好失望呀, 上次Crystal o係Paris買比我既PH真係好好食, 唔甜 + 唔係得個甜字, 個皮又好好味....但今次...係囉....真係cannot架.....唉~

買埋macaroon, 我地又搭返tube返去Westfield食dinner, 哈....食我未食過既Nando's, 之前成日見BonBon食.....好似好好味咁, 今次終於可以試下啦......

之前一路都見佢有出chilli sauce...好期待佢支黑色超超超超辣既....唔知係咪好辣呢...

同埋佢d雞都可以揀有幾辣, 第一次食, 我唔敢叫到咁勁呀, 都係叫hot...而唔係extra hot....

結果?!?! Hot既雞唔hot......支extra extra hot既chilli sauce亦都唔extra囉.....我估唔係我食得辣...而係佢地唔食得辣姐...hehe不過Nando's都真係幾好味....如果香港有就好啦~~~

食飽飽我地就返Sheffield啦.....又揸兩個幾鐘....真係辛苦我表姐夫亞Ron....我就訓足全程...haha.....返到Sheffield都11點....又凍.....仲要係凍到震......

返到去, 唔知點解都好攰, 都冇力睇拳王......沖完涼, 上下網就訓lu.....聽日最後一日o係Sheffield啦....